Wanted: Construction Worker
Si Baldo nag-apply nang Linggo
Nagsimula kinaumagahan alas otso.
hukay sa umaga
semento sa tanghali
palitada sa hapon.
Sa ikapitong araw,
ba-vale sana,
pero bulyaw lang ang tugon ni porman
palitada sa umaga
semento sa tanghali
hukay sa hapon.
Sa akinse ng Mayo,
baon na sa utang si Baldo
si porman mainit na naman ang ulo
“Sa
makalawa na ang sahod niyo!”
Hukay sa umaga
sa hapon, semento at
palitada ng lapida.--Wanted: Baldomero Romero
Emmanuel T. Barrameda
Walang komento:
Mag-post ng isang Komento